5 orë më parëManastiri i Deçanit njofton për vizitën e Escobar, ende s’kanë reagim për regjistrimin e pronës
Periskopi(2 vite më parë)
(2 vite më parë)Qeveria e Kosovës në krye me Kryeministrin Albin Kurti ka urdhëruar Kadastrin që t’ia regjistrojë pronën Manastirit të Deçanit. Këtë Kurti e bëri publike të mërkurën, ndërkohë që një ditë më vonë në Manastirin e Deçanit shkoi për vizitë Emisari Gabriel Escobar, i cili qëlloi në Kosovë kur u mor ky vendim. Escobar përgëzoi Kurtin […]
Qeveria e Kosovës në krye me Kryeministrin Albin Kurti ka urdhëruar Kadastrin që t’ia regjistrojë pronën Manastirit të Deçanit. Këtë Kurti e bëri publike të mërkurën, ndërkohë që një ditë më vonë në Manastirin e Deçanit shkoi për vizitë Emisari Gabriel Escobar, i cili qëlloi në Kosovë kur u mor ky vendim.
Escobar përgëzoi Kurtin që ia kaloi tokën Manastirit, por nga Deçani nuk ka ende ndonjë reagim e as nga Dioqeza e Rashkës dhe Prizrenit që është institucioni kryesor i Kishës Ortodokse në Kosovë. Nga Manastiri kanë njoftuar për vizitën e Escobar.
“Ipeshkvi Teodosije dhe igumeni i Deçanit A. Sava, mirëpritën Zëvendës Ndihmës Sekretarin z. Escobar. Ishte një mundësi e rëndësishme për të diskutuar mbi sfidat me të cilat përballet Kisha #Ortodokse #Serbe dhe komuniteti serb i Kosovës. I jemi mirënjohës ZNS Escobar dhe Ambasadorit Hovenier për mbështetjen dhe mirëkuptimin e tyre të vazhdueshëm” thuhet në njoftim.
Ndryshe, Manastiri i Deçanit ka publikuar edhe një intervistë të Escobar ku kërkoi që të zgjidhet cështja e dinarit sepse siç tha ai komuniteti serb po vuan dhe se SHBA do ta mbajë përgjegjëse Qeverinë e Kosovës varësisht si e trajton këtë komunitet. Po ashtu Manastiri ka shpërndarë edhe një lajm të mediave lokale serbe për ndërrimin e tabelave të vendbanimeve në Veri.
