Lulzim Rexha ka nevojë për ndihmën tuaj, është diagnostifikuar me një formë të rrallë të kancerit

Lulzim Rexha është diagnostifikuar me një lloj të rrallë të kancerit dhe ka nevojë për ndihmën tuaj, shkruan Periskopi.

Për ta ndihmur Lulzimin mund të klikoni në linkun e Gofundme: https://gofund.me/949dd794

Njoftimi i plotë:

Të dashur miq e të dashura mike,

Tash e një kohë, shoku e kolegu ynë Lulzim Rexha (Luli) është diagnostikuar me një formë të rrallë të kancerit, që njihet si “Ewing Sarcoma”. Ballafaqimin me këtë sëmundje dhe trajtimin e saj, Luli është duke e vazhduar në Gjermani.

Kostot e trajtimit i tejkalojnë mundësitë financiare të familjes. Prandaj, po ju drejtohemi juve – aty ku kemi gjetur gjithmonë mbështetje e solidaritet – për t’ju lutur të kontribuoni aq sa keni mundësi financiarisht, që së bashku, t’ja lehtësojmë të paktën financiarisht këtë barrë Lulit dhe familjes së tij.

Lulin të gjithë e njohim si koleg të vyer, punëtor të palodhur e mbi të gjitha shok të buzëqeshur e mbështetës për secilin e secilën në çdo rrethanë. Hajde të bëhemi bashkë të gjithë ne kësaj here për të, që të na kthehet në Kosovë me energjinë pozitive që e karakterizon.

Së bashku #PerLulin