3 orë më parëKQZ e Kosovës bashkohet me KQZ-të e botës për të kundërshtuar zgjedhjet presidenciale të Rusisë në rajonet e pushtuara të Ukrainës
Periskopi(2 vite më parë)
(2 vite më parë)Komisioni Qendror i Zgjedhjeve i Republikës së Kosovës i është bashkuar thirrjeve të intitucioneve zgjedhore nga mbarë bota dhe organizatave të vëzhgimit të zgjedhjeve për të dënuar vendimet dhe veprimet e autoriteteve të Federatës Ruse dhe administratave të saj okupuese në lidhje me organizimin e përgatijes dhe mbajtjes së të ashtuquajturave zgjedhje për President të […]
Komisioni Qendror i Zgjedhjeve i Republikës së Kosovës i është bashkuar thirrjeve të intitucioneve zgjedhore nga mbarë bota dhe organizatave të vëzhgimit të zgjedhjeve për të dënuar vendimet dhe veprimet e autoriteteve të Federatës Ruse dhe administratave të saj okupuese në lidhje me organizimin e përgatijes dhe mbajtjes së të ashtuquajturave zgjedhje për President të Federatës Ruse më 15 – 17 mars 2024, në territoritet e pushtuara përkohësisht të Ukrainës – në Republikën Autonome të Krimesë, qytetin e Sevastopol, Donetsk, Luhansk, Zaporizhzhia dhe rajonet Kherson.
KQZ, në njërën nga mbledhjet e kaluara është dakorduar për t’i përcjellur KQZ-së së Republikës së Ukrainës një deklaratë mbështetëse, me të cilën mbështet qëndrimin e tyre të datës 23 shkurt 2024, për paligjshmërinë e organizimit të përgatitjes dhe mbajtjes së “zgjedhjeve” të presidentit të Federatës Ruse të vitit 2024 në territoret e pushtuara përkohësisht të Ukrainës.
Në letrën dërguar Kryetarit të KQZ-së së Republikës së Ukrainës, z. Oleh Didenko, theksohet se “KQZ e Republikës së Kosovës vlerëson se vendimet dhe veprimet e autoriteteve të Federatës Ruse si dhe të administratave të saj pushtuese në lidhje me organizimin e përgatitjes dhe mbajtjes së të ashtuquajturave zgjedhje në këto territore të pushtuara përkohësisht, cenojnë sovranitetin dhe integritetin territorial të Ukrainës. Gjithashtu, ato tregojnë mospërfilljen e Rusisë për normat e së drejtës ndërkombëtare, parimet dhe standardet demokratike të njohura botërisht dhe të drejtat themelore të njeriut”.
Gjithashtu, KQZ vlerëson se se vendimet dhe veprimet e autoriteteve të Federatës Ruse si dhe të administratave të saj pushtuese në lidhje me organizimin e përgatitjes dhe mbajtjes së të ashtuquajturave zgjedhje në këto territore të pushtuara përkohësisht, cenojnë sovranitetin, integritetin territorial të Ukrainës si dhe tregojnë mospërfilljen e Rusisë për normat e së drejtës ndërkombëtare, parimet dhe standardet demokratike të njohura botërisht dhe të drejtat themelore të njeriut.
Duke i kumtuar mbështetjen, KQZ e Republikës së Kosovës shpreson se në një të ardhme të afër mes dy institucioneve do të ketë bashkëpunime konkrete në fushën e zgjedhjeve.
KQZ e Republikës së Kosovës është anëtar me të drejta të plota i Asociacionit të Zyrtarëve Zgjedhorë Botërorë (A-ËEB) ashtu si edhe KQZ e Republikës së Ukrainës./EO
