13 minuta më parë“Koha për përgjegjësi”, Zotëria i Parë lëshon një koment për foton Gjuriq-Radoiçiq
Periskopi(2 vite më parë)
(2 vite më parë)Prindron Sadriu, bashkëshorti i presidentes Vjosa Osmani, ka thënë se është koha që Qeveria e Serbisë të japë përgjegjësi për mbrojtjen e Millan Radoiçiqit, kryeterroristit të agresionit serb në Banjskë të Kosovës vitin e kaluar. Sadriu, i cili shërben si diplomat në Ministrinë e Punëve të Jashtme, ka deklaruar se fotografia e publikuar dy ditë […]
Sadriu, i cili shërben si diplomat në Ministrinë e Punëve të Jashtme, ka deklaruar se fotografia e publikuar dy ditë më parë, e cila e shfaq Radoiçiqin në shoqërinë e Marko Gjuriqit, tregon për mbështetjen e Serbisë për të kërkuarin e INTERPOL-it.
Sipas në shkrimi në platformën ‘X‘ të Sadriut, ambasadori aktual i Serbisë në ShBA, Marko Gjuriq, së shpejti mund të bëhet ministër i Jashtëm në Qeverinë e Serbisë.
“Ambasadori i Serbisë në Uashington D.C. (dhe ministri i mundshëm i Jashtëm) Gjuriq duke qëndruar rehat pranë terroristit më të kërkuar Radoiçiq”, tha ai.
Sadriu shtoi se pretendimet e Kosovës për mbështetjen e Serbisë ndaj terrorit tashmë po vërtetohen, pasi Radoiçiq gëzon mbrojtje nga forcat serbe të sigurisë dhe elita politike.
“Koha për përgjegjësi!”, ka përfunduar shkrimin e tij në ‘X‘, Prindon Sadriu.
serbia’s Ambassador to D.C. (& possible Foreign Minister) Djurić cozying up with the most wanted terrorist Radoičić. Kosovo’s claims about serbia’s backing of terror are validated as Radoićić enjoys protection from serb security forces & political elite. Time for accountability! pic.twitter.com/d00B5lBBCp
— Prindon Sadriu 🇽🇰 (@PrindonSadriu) March 12, 2024
Millan Radoiçiq është nën sanksionet amerikane dhe i kërkuar nga agjencia ndërkombëtare e policisë, INTERPOL. Ai po kërkohet për organizimin e sulmit terrorist në fshatin Banjskë të Kosovës më 24 shtator të vitit të kaluar.
