Haxhiu për Vjosa Osmanin: Nuk e komentoj Presidenten time – ata që nuk e dinë si ka ardhur çlirimi – janë të papërgjegjshëm në atë që thonë

Haxhiu thotë se kjo gjeneratë politike nuk kanë asnjë thinjë të bardhë në flokët e tyre dhe nuk e kanë përjetuar clirimin e Kosovës, andaj janë të papërgjegjshëm në atë që thonë.

“Nuk e komentoj Presidenten time. Fjalia e vetme që mund të them është që më vjen keq që e dëgjoj një gjë të tillë prej saj.
Dy udhëheqës të shteteve përnjëmend kanë deklaruar se edhe z. Blinken është naiv, e kjo tjetra thotë që deklaratat e Hillit janë të papranueshme.
E para e punës njerëzit që e kanë bombardu Millosheviqin, nuk kam fjalë…
Në këtë moment, është një gjeneratë politike që nuk kanë asnjë thinjë të bardhë në flokët e tyre. Dhe ata që nuk kanë një thinjë floku të bardhë në kokë nuk kanë memorie. Ata nuk e dinë se cka janë vështirësitë, as luftën se kanë përjetu. Dhe për faktin se nuk e kanë përjetu luftën dhe se nuk e dinë si ka ardhur clirimi – janë të papërgjegjshëm në atë që thonë”, tha Baton Haxhiu në Pressing, përcjell Periskopi.

Kujtojmë se, ambasadori i Shteteve të Bashkuara të Amerikës në Beograd, Christopher Hill, ka deklaruar mbrëmë për mediat serbe se aktualisht Serbia është më afër NATO’s se Kosova, deklarata e tij ka nxitur shumë reagime, ku sot ka reaguar edhe Presidentja e Kosovës, Vjosa Osmani.

Osmani tha sot se: “Kushdo që e konsideron Serbinë si shtet që është afër NATO-s nuk i ofendon vetëm çdo shtet demokratik që po bën hapa konkret drejt anëtarësimit në NATO, por njëkohësisht është duke i ofenduar edhe viktimat e Serbisë së Millosheviqit, e cila është e njëjtë siç ka qenë edhe para disa dekadave”. /Periskopi/