Byrnes: S’kemi pas prova që tregonin që Shtabi i Përgjithshëm i UÇK-së kishte urdhëruar rrëmbime e ndalime

“Me lejoni që të jem tejet i saktë dhe i qartë; Ne as edhe njëherë nuk kemi patur ndonjë provë që të tregonte që Shtabi i Përgjithshëm i UÇK-së, Thaçi, Krasniqi, Ramë Buja, Xhaviti e të tjerë. Kurrë nuk kemi pasur prova që ata të kenë dhënë urdhër apo të udhëzonin që të merreshin peng, të rrëmbeheshin gazetarët serb apo aktivistë e LDK-së. Kurrë nuk kemi pasur prova të tilla, apo për ndonjë civil”, tha Byrnes.

Ai tha se kanë menduar se këto veprime ndërmarrshin në formë të pavarur nga komandantet e zonave ose brigadave.

“Me lejoni që ta mbarojë përgjigjen time! Sigurisht që ne menduam që këto veprime, pra prezumimi im ishte ky që këto veprime ndërmerreshin ose në formë të pavarur nga komandantet vendas të UCK-së ose eproret e tyre, pra për shembull komandanti i Brigadës ose i zonës”, tha ai.

Dëshmitari u pajtua që nuk ishte domosdoshmërisht në nivel të komandantit të zonës por që mund të ishin edhe persona të pabindur më poshtë së komandanti i zonës që merrnin këto vendime, por që nuk merreshin më lartë se niveli i zonës.

“Po. Por ne nuk e dinim këtë. Por edhe njëherë, ne nuk kemi parë prova që ishte Shtabi i Përgjithshëm ai që po jepte urdhër për rrëmbimin e këtij civili apo i një aktivisti të LDK-së apo tjerë”, tha Byrnes.

Tutje Emmerson pyeti dëshmitarin se në bazë të njohurive që kishte ai me atë se çfarë po ndodhte në Kosovë a kishin parë prova që mund ta mbështesnin propozimin që stafi i përgjithshëm kishte përgjegjësi komanduese mbi ndalimet në zona dhe fuqi për të parandaluar këto veprime.

“Ishte një pyetje e ndërlikuar, por përgjigja ime e saktë është ‘jo”, u përgjigj Byrnes në pyetjet e avokatit Emmerson.

Byrnes për Kadri Veselin: Ka qenë një person misterioz, na kishin thënë se ishte i respektuar në rangjet e UÇK-së