6 orë më parëAdrian Shtuni pas deklaratës së Hillit: SHBA është për paqe dhe zgjidhje të konfliktit Kosovë – Serbi
Periskopi(2 vite më parë)
(2 vite më parë)Ambasadori amerikan në Serbi, Christofer Hill, ka thënë sot gjatë ditës se Serbia është më afër NATO-s si partnere, sesa Kosova – deklaratë kjo që ka nxitur reagime të shumta. Lidhur me këtë deklaratë ka folur Adrian Shtuni, ekspert i politikës së jashtme dhe sigurisë, i cili ka deklaruar se qasja e ShBA-së ka qenë […]
Lidhur me këtë deklaratë ka folur Adrian Shtuni, ekspert i politikës së jashtme dhe sigurisë, i cili ka deklaruar se qasja e ShBA-së ka qenë dhe vazhdon të jetë e qartë.
“ShBA është në krahun e paqes, në krahun e zgjidhjes së konflikteve midis Kosovës dhe Serbisë. Se si artikulohet pastaj politika e ShBA-së nga ambasadorë të veçantë, kjo pastaj i përket ambasadorëve”, deklaroi ai.
Shtuni tutje komentoi deklaratën e presidentit serb lidhur me Kosovën, duke e quajtur si udhëheqës që nuk do paqe.
“Unë kam parë deklaratën e Vuçiqit që pak ditë më parë tha se Beogradi do të presë për momentin më të volitshëm dhe do ta shfrytëzojnë mundësinë. Kjo nuk është gjuha e dikujt që kërkon normalizim marrëdhëniesh, e dikujt që kërkon paqe. Këto deklarata shpalosin vlera që shkojnë kundër vlerave të NATO-s dhe të një vendi i cili është anëtar i programit të NATOS, partneriteti për paqe”,tha ai për Info Magazine.
Shtuni vazhdoi duke thënë se “Serbia është një anëtar i partneritetit për paqe. Kjo është shkelje e hapur e vlerave të NATO-s dhe këto lloj deklaratash nxisin pasiguri dhe dëmtojnë procesin e normalizimit dhe stabilizimit jo vetëm mes Kosovës e Serbisë”.
“Serbia është një anëtar i partneritetit për paqe. Kjo është shkelje e hapur e vlerave të NATO-s dhe këto lloj deklaratash nxisin pasiguri dhe dëmtojnë procesin e normalizimit dhe stabilizimit jo vetëm mes Kosovës e Serbisë, por stabilitetin e rajonit në përgjithësi në Ballkan”, tha eksperti i politikës së jashtme dhe sigurisë, Adrian Shtuni.
