Vuçiq për ndalimin e dinarit: Do të kërkojmë mbledhje urgjente në Këshillin e Sigurimit të OKB-së

Aleksandër Vuçiq ka thënë se Serbia do të ‘dërgojë 22 milionë euro më shumë në emër të ndihmave, pensioneve dhe përfitimeve të tjera’ për qytetarët serbë në Kosovë.

“Kemi filluar të paguajmë ndimat, pensionet dhe përfitimet tjera sociale për popullin tonë në Kosovë”, tha Vuçiq në një adresim për media këtë të premte në Beograd pas vendimit të Kosovës për të ndaluar qarkullimin e dinarit përkthen nga N1, Periskopi.

Ai ka thënë se ‘të gjitha marrëveshjet e nënshkruara në dialogun mes Prishtinës dhe Beogradit, përfshijnë edhe të drejtën e Serbisë për të financuar aktivitetet e popullit serb në Kosovë, përfshirë shëndetësinë, edukimin dhe pensionet’.

Ai ka thënë se ‘nuk do të ketë bisedime mes Bankës Kombëtare të Serbisë dhe Bankës Qendrore të Kosovës” dhe sipas tij, ‘kur Prishtina po bën thirrje për bisedime të tilla, praktikisht po bën thirrje për njohje’.

Vuçiq mes tjerash ka thënë se do të kërkojë një mbledhje të jashtëzakonshme të Këshillit të Sigurimit të Kombeve të Bashkuara, të hënën.

Vuçiqi tha se ‘u ka shkruar letër të gjitha vendeve anëtare të BE-së, të gjithë përfaqësuesve të BE-së në Serbi e gjithashtu edhe Rusisë dhe Kinës’, ku siç tha ai ‘janë informuar se shqetësuese është situata’. /Përktheu nga N1 me shkurtime: Periskopi/

BBC për dinarin: Qeveria e Kosovës ka treguar pak gatishmëri për t’i dëgjuar aleatët