Tahiri për lajmin e atentatit ndaj Kurtit: Demantimi nga Maqedoni ka vënë në situatë të pa hijshme AKI-në

Shefi i deputetëve të Partisë Demokratike të Kosovës, Abelard Tahiri, ka folur lidhur me raportimet për atentat ndaj kryeministrit Albin Kurti. Këtë e quajti konfidenciale dhe se nuk është dashur të bëhet publike.

Sipas tij, nuk është profesionalizëm që lajme të tilla të rrjedhin ne media.

“Profesionalizmi nuk është me rrjedh lajmi në media. Vërtet është për keqardhje kur na në një periudhë disa orësh që të demantohet lajmi nga shteti që ishte mikpritës. Kjo është shume e pa hijshme, kjo e ve ne një formë të pa hijshëm edhe inteligjencën edhe organet e sigurisë. Demantimi nga Maqedonia e Veriut ishte për keqardhje nga institucionet tona nëse ka pasur një lajm të tillë.”, ka thënë ai. /EO