6 orë më parë‘Nuk bëj kërcënime të vagëta’: Kërcënimi i nxehtë i O’Brien
Periskopi(2 vite më parë)
(2 vite më parë)Në të shprehurën tonë të përditshme, ka një fjalë që e përdorim kështu: ‘vokët’. Me këtë fjalë, i referohemi zakonisht diçkaje që nuk është aq e nxehtë sa të të djegë. Por, të kundërtën e kësaj fjale, e tha Ndihmës Sekretari amerikan i Shtetit, James O’Brien, me një fjali: “Unë nuk bëj kërcënime të vagëta […]
“Unë do të thoja, që nëse ne nuk trajtohemi si partner, edhe ne nuk do ta trajtojmë qeverinë e Kosovës si partnere”. Që domethënë? Gjithçka!
Në intervistë për Zërin e Amerikës, Ndihmës Sekretari amerikan i Shtetit James O’Brien thotë se Shtetet e Bashkuara janë shumë të shqetësuara me vendimin e qeverisë së Kosovës për të mos lejuar përdorimin e dinarit.
Zyrtari amerikan tha se kishte patur disa kontakte me kryeministrin Kurti para shpalljes së vendimit dhe vetëm një shkëmbim të shkurtër pas shpalljes së tij.
Ja dy fjalitë më dramatike të O’Brien sa i përket raportit Kosovë – ShBA dhe vënies në pikpyetje të partneritetit mes të dy vendeve.
Kur O’Brien pyetet për komunikimin me kryeministrin Kurti, shprehet kështu:
“Ai kuptoi shqetësimet, premtoi se do të punonte për to, por qartazi vendosi miratimin e vendimit. Nëse ai nuk na trajton si partner, kjo ngre pikëpyetje nëse ne mund ta konsiderojmë këtë qeveri si partnere”
Dhe kur u pyet për sanksionet e mundshme në të ardhmen ndaj Kosovës, ai tha kështu:
“Unë nuk bëj kërcënime të vagëta publikisht. Unë do të thoja, që nëse ne nuk trajtohemi si partner, edhe ne nuk do ta trajtojmë qeverinë e Kosovës si partnere”.
