Ministri gjerman i Mbrojtjes: Të keni maturi dhe kujdes, kjo është kërkesa e ditës

Ministri gjerman i Mbrojtjes, Boris Pistorius, në një konferencë për media me Presidenten Osmani, deklaroi se ‘kërkesa e ditës’ është që ‘Kosova të bëj maturi dhe kujdes’.

“Sa i përket dialogut me Serbinë, Kancelari gjerman ka thënë se e ardhmja e Ballkanit Perëndimor është në BE, parakusht është dialogu dhe askush nuk duhet dhe nuk ka interes në tensionimin e situatës. Andaj, bëjmë thirrje të qartë për maturi dhe kujdes. Kjo është kërkesa e ditës.

Edhe Kosova duhet të kontribuojë në shtensionimin e situatës por edhe roli i Serbisë është rol i veçantë”, tha ai.

“Në kuadër të NATO-s kemi deklaruar që do të ofrojmë trupa shtesë që do të vijë në këtë pranverë dhe do të jetë e gatshme për veprim. Roli i KFOR-it në arkitekturën e sigurisë në Kosovë është hallka e tretë dhe është i përgatitur më së miri”, tha ai./Periskopi

Osmani: Serbia planifikon sulme të reja ndaj Kosovës, ju siguroj që nuk do t’ia dalë