Miftaraj: Kryeprokurori as Kryeprokurori i PSRK nuk janë infromuar për pretendimet e Kurtit për atentat

Radiotelevizioni Publik i Kosovë (RTK), duke u thirrur në burime të sigurisë, raportoi se ishte planifikuar një atentat ndaj Kryeministrit Albin Kurti gjatë kohës sa po qëndronte në Shkup, shkruan Periskopi.

Por për këtë pretendim të atentatit ndaj Kryeministrit të vendit, drejtori i IKD-së Ehat Miftaraj, ka thënë se nuk janë informuar as u.d. Kryeprokurori i shtetit Besim Kelmendi, e as Kryeprokurori i Prokurorisë Speciale të Republikës së Kosovës (PSRK), Blerim Isufaj.

“Kryeprokurori i Shtetit dhe as Kryeprokurori i PSRK nuk janë informuar lidhur me pretendimet për atentat ndaj Kryeministrit”, është shprehur ai.

Miftaraj në një postim në ‘Facebook’, ka thënë se sipas Kodit të Procedurës Penale AKI dhe Policia janë të obliguar ta njoftojnë menjëherë Prokurorin e Shtetit për kërcënime ndaj krerëve shtetëror.

“Në bazë të Kodit të Procedurës Penale dhe ligjeve të aplikueshme secili institucion ligjzbatues në Kosovë përfshi Agjencinë e Kosovës për Inteligjencë (AKI) dhe Policinë e Kosovës e kanë obligim për të informuar menjëherë dhe pa asnjë vonesë Prokurorin e Shtetit”, ka shkruar ai./Periskopi

Postimi i plotë: 

Kryeprokurori i Shtetit dhe as Kryeprokurori i PSRK nuk janë informuar lidhur me pretendimet për atentat ndaj Kryeministrit

Por për këtë pretendim të atentatit ndaj Kryeministrit të vendit, nuk janë informuar as u.d. Kryeprokurori i shtetit Besim Kelmendi, e as Kryeprokurori i Prokurorisë Speciale të Republikës së Kosovës (PSRK).

“Për momentin në Zyrën tonë nuk ka ndonjë veprim në lidhje me këtë lajm”, ka thënë për “Betimi për Drejtësi”,  Kryeprokurori Besim Kelmendi.

“Jo nuk kam ndonjë informatë”, ka thënë në anën tjetër Kryeprokurori Isufaj.

Në bazë të Kodit të Procedurës Penale dhe ligjeve të aplikueshme secili institucion ligjzbatues në Kosovë përfshi Agjencinë e Kosovës për Inteligjencë (AKI) dhe Policinë e Kosovës e kanë obligim për të informuar menjëherë dhe pa asnjë vonesë Prokurorin e Shtetit nëse udhëheqësit kryesorë shtetërorë janë subjekt i kërcënimit ose dyshimeve që rrezikojnë jetën e tyre.