Erëra të fuqishme pritet të ketë sot: Komuna e Prishtinës thirrje qytetarëve për kujdes të shtuar

Komuna e Prishtinës u ka kërkuar qytetarëve që të kenë kujdes, pasi sot (e dielë), parashihet të ketë erëra të forta, që mund të sjellin edhe dëme materiale. Komuna ka bërë të ditur se do të izolohet zona përreth objektit të Kryeqytetit në lagjen “Arbëria” në Prishtinë.

Kjo do të bëhet për të parandaluar ndonjë fatkeqësi të mundshme për shkak se janë paralajmëruar erëra të forta nga 20 deri në 80 km/h të cilat do të sjellin edhe dëme materiale.

“Sipas parashikimeve meteorologjike, e diel 11 Shkurt 2024, parashihet të ketë reshje shiu, të cilat në momente të caktuara do të jenë në formë të rrebesheve, të shoqëruara me ndonjë shkarkesë elektrike. Era do të fryjë nga juglindja, e cila kohë pas kohe pritet të jetë mjaft e fuqishme, me shpejtësi prej 20-80 km/h! Parashihet të ketë dëme materiale në zona të caktuara”, thuhet në njoftimin e komunës.