2 orë më parëÇuditë ministrja Haxhiu: Sanksionet nga BE-ja i kemi sepse kemi dëshmu që nuk i tolerojmë terroristët dhe kontrabandistët
Periskopi(2 vite më parë)
(2 vite më parë)Sulmet e Qeverisë Kurti ndaj BE-së nuk po ndalen. Sot në Kuvendin e Kosovës ministrja e Drejtësisë, Albulena Haxhiu, deklaroi se BE-së nuk i paska pëlqyer kur Kosova ka treguar se nuk i toleron terroristët dhe kontrabandistët, prandaj “na kanë vendosur sanksione”, përcjell Periskopi. Kjo deklaratë erdhi pas një fjalimi të deputetit të PDK-së, Abelard […]
Kjo deklaratë erdhi pas një fjalimi të deputetit të PDK-së, Abelard Tahiri.
“Ma zgjoi vëmendjen një deklaratë e Abelard Tahirit që tha “me neve ka pasë njohje e me juve ka pasë sanksione”.
Me të drejtë qytetarët mund të pyesin “pse ka pasë sanksione”. Ka pasë sanksione sepse për herë të parë kontrabanduesit, terroristët, kriminelët nuk janë lejuar të veprojnë sic kanë vepruar në kohën kur keni qeverisur ju. Pra, kur keni qenë juë në qeverisje i keni leju edhe terroristët edhe kontrabandistët edhe i keni leju sjelljet agresive të Serbisë mbi Kosovën. Madje, nuk është largmendësh që disa nga politikanët kanë bashkëpunu me kontrabandistët. E keni leju Radojiqiqin dhe shumë terroristë të tjerë. Dhe kur Kosova ka tregu dhe ka dëshmu dhe ka marrë veprime që nuk do të tolerojnë këta, natyrisht që kanë mundur të vendosin masa. Sepse dikujt nuk i paskan pëlqy, në këtë rast Bashkimit Evropian”, tha minsitrja Haxhiu.
Kjo nuk është hera e parë që një ministër i kësaj Qeverie zgjedh të sulmojë në këtë mënyrë ndërkombëtarët, pasi të njëjtën formë kanë vepruar edhe ministra të tjerë, madje edhe vetë kryeministri Kurti. /Periskopi/
