4 orë më parëÇipi në tru: Si funksionon dhe çka duhet të dini?
Periskopi(2 vite më parë)
(2 vite më parë)Miliarderi i Teknologjisë, Elon Musk ka deklaruar në fillim të kësaj jave se kompania e tij Neuralink ka implantuar me sukses një nga çipat e saj të trurit me valë te një njeri për herë të parë. “Rezultatet fillestare zbuluan pika premtuese të neuroneve ose impulse nervore dhe pacienti po shërohet”, tha ai. Por, si […]
Elon Musk është i njohur për kompani të profilit të lartë si Tesla dhe SpaceX. Këtë javë, ai bëri të ditur për ‘testin’ e ri që synon bashkimin e mendjes së njeriut me inteligjencën artificiale. Kjo bëhet nëpërmjet çipit inteligjent.
Neuralink është një nga kompanitë e Musk. Kjo kompani ka krijuar një pajisje e cila do të futet në mendjen e njeriut, mund ta regjistrojë gjithë informacionin në tru dhe synimi është që edhe ta stimulojë aktivitetin në tru.
Para pak ditësh, Musk njoftoi se Neuralink ka bërë implantin e parë të këtij çipi në trurin e njeriut.
Çka duhet të dini më shumë rreth Neuralink?
U themelua në vitin 2016 nga Elon Musk. Për herë të parë, themelimi i kësaj kompanie u bë i ditur në vitin 2017, nga një artikull i Ëall Street Journal.
Çka po bën Neuralink dhe si funksionon çipi në tru?
Neuralink është duke krijuar dy lloje pajisjesh.
E para, është çipi që do të implantohet në eshtrat e njeriut, i cili nëpërmjet elektrodave do të arrijë deri në trurin e njeriut.
Neuralink është i fokusuar të merret me ‘trashësinë e çipit’. Secila fije e çipit që arrin deri në tru, raportohet se është 20 herë më e hollë se qimja e flokëve të njeriut.
Telat janë të pajisur me 1024 elektroda, të cilat janë në gjendje të monitorojnë aktivitetin e trurit dhe, teorikisht, të stimulojnë elektrikisht trurin. Çipi i transmeton këto të dhëna me valë nëpërmjet çipit në kompjuterë, ku studiuesit mund t’i studiojnë ato.
Pjesa e dytë: një robot që automatikisht do ta implantojë çipin në tru
Bussines Insider raporton se roboti në mënyrë automatike do të mund ta fusë çipin në trurin e njeriut. Neuralink, ka publikuar një video në janar 2021 për të njoftuar punën e këtij roboti.
Musk ka thënë se kjo ‘makinë do të mund të implantojë elektrodat e Neuralinkut shumë më lehtë sesa operacioni laserik i syrit’.
Në vitin 2020, Neuralink ka vendosur një çip në trurin e një derri. Në atë eksperiment, kompania ka marrë të dhënat se si mund t’i përdorte ato në rastin e vendosjes së çipit në trurin e njeriut. /Përktheu shkurtimisht nga Bussines Insider: Periskopi
