5 orë më parëBlinken: Në Tiranë për të riafirmuar fuqinë e marrëdhënieve tona – Shqipëria, partner kyç në stabilitetin e Ballkanit
Periskopi(2 vite më parë)
(2 vite më parë)Sekretari i Shtetit amerikan, Antony Blinken, do të qëndrojë në Tiranë për një vizitë disaorëshe gjatë ditës së enjte. Në Tiranë, sipas njoftimit të DASh-it, “Blinkeni do të riafirmojë fuqinë e marrëdhënieve të Shteteve të Bashkuara me Shqipërinë, një partner kyç për stabilitetin në Ballkanin Perëndimor dhe një aleat i fortë në mbështetjen e sovranitetit […]
Sekretari i Shtetit amerikan, Antony Blinken, do të qëndrojë në Tiranë për një vizitë disaorëshe gjatë ditës së enjte.
Në Tiranë, sipas njoftimit të DASh-it, “Blinkeni do të riafirmojë fuqinë e marrëdhënieve të Shteteve të Bashkuara me Shqipërinë, një partner kyç për stabilitetin në Ballkanin Perëndimor dhe një aleat i fortë në mbështetjen e sovranitetit dhe integritetit territorial të Ukrainës”.
Ndërkaq, në njoftim bëhet e ditur se pas përfundimit të qëndrimit në Tiranë, Sekretari Blinken do të vazhdojë rrugën në Munih, ku do të marrë pjesë në Konferencën e Sigurisë së Munihut si pjesë e delegacionit të ShBA-së të kryesuar nga Zëvendës Presidentja Kamala Harris.
“Sekretari do të zhvillojë takime dypalëshe për të nënvizuar mbështetjen e qëndrueshme të Shteteve të Bashkuara për popullin e Ukrainës, për të vazhduar diskutimet me partnerët se si të arrihet paqe dhe siguri e qëndrueshme në Lindjen e Mesme dhe për të theksuar angazhimin tonë të palëkundur për sigurinë transatlantike”.
Sekretari Blinken do t’ bashkohet një forumi publik mbi multilateralizmin me partnerët ndërkombëtarë.
