7 orë më parëAmbasada e Japonisë filloi sot me lëshimin e vizave në Prishtinë
Periskopi(2 vite më parë)
(2 vite më parë)Ambasada e Japonisë në Kosovë ka filluar sot me lëshimin e vizave në Prishtinë, duke lehtësuar kështu udhëtimin e qytetarëve kosovarë në Japoni. Kështu ka njoftuar Ministria e Punëve të Jashtme dhe Diasporës. Në njoftimin për media thuhet se nga 24 marsi i këtij viti, poseduesit e pasaportave zyrtare apo diplomatike do të mund të […]
Ambasada e Japonisë në Kosovë ka filluar sot me lëshimin e vizave në Prishtinë, duke lehtësuar kështu udhëtimin e qytetarëve kosovarë në Japoni.
Kështu ka njoftuar Ministria e Punëve të Jashtme dhe Diasporës.
Në njoftimin për media thuhet se nga 24 marsi i këtij viti, poseduesit e pasaportave zyrtare apo diplomatike do të mund të udhëtojnë pa viza në Japoni.
“Kjo u konfirmua në takimin që zëvendëskryeministrja dhe ministrja e Punëve të Jashtme dhe Diasporës e Republikës së Kosovës, Donika Gërvalla bashkë me zëvendësministrin, Kreshnik Ahmeti patën me ambasadorin e Japonisë në Kosovë, Ryuta Mizuuchi dhe të ngarkuarin me punë, Keisuke Yamanaka”.
“Thellimi i marrëdhënieve diplomatike, bashkëpunimi në ekonomi, shkëmbime tregtare, sport dhe mbështetje në proceset integruese euroatlantike ishin çështjet me më prioritet të diskutuara gjatë këtij takimi”, thuhet tutje në njoftim.
