4 orë më parëAbazi: Anti-demokratike që të gënjehet për kërcënim ndaj Kurtit duke shfrytëzuar RTK-në dhe keqpërdorur AKI-në
Periskopi(2 vite më parë)
(2 vite më parë)Deputeti i Kuvendit të Kosovës, Haki Abazi, po e konsideron si anti-demokratike dhe anti-kushtetuese që të refuzohen pyetjet e deputetëve ndaj Qeverisë. Abazi në këtë listë të veprimeve anti-demokratike ka futur edhe vazhdimin e diskutimit për dhënien e burgut të Gjilanit me qera derisa ka një refuzim në Kuvend dhe nga shoqëria civile. Deputeti Abazi […]
Abazi në këtë listë të veprimeve anti-demokratike ka futur edhe vazhdimin e diskutimit për dhënien e burgut të Gjilanit me qera derisa ka një refuzim në Kuvend dhe nga shoqëria civile.
Deputeti Abazi gjithashtu ka shkruar se është anti-demokratike dhe anti-kushtetuese që të “gënjehet opinion publik për kërcënime ndaj kryeministrit duke e përdorur transmetuesin publik dhe duke keqpërdorur AKI-në dhe duke mos paraqitur asnjë fakt, as kundështim ndaj deklaratës të Ministrisë së Punëve të Brendshme të Maqedonisë që demanton qeverinë e Republikës së Kosovës”.
Ai tutje ka thënë se është rrezikim I sigurisë Kombëtare që të përcaktohet Komisioneri i FSK-së “nga një njeri pa legjitimietet dhe pa asnjë transparencë”.
“Këto veprime janë shkaterruese për rendin kushtetues dhe republikën parlamentar. Duhet seance parlamentare urgjente për sjelljen jodemokratike dhe jokushtetuese të ekzekutivit. Ministrja e Drejtësisë duhet të thirret me urgjencë në Komisionin Parlamentar për deklarimet e rrejshme lidhur me marrëveshjen me Danimarkën.”, ka shkruar Abazi.
