10 minuta më parëAutostrada Prishtinë-Gjilan, Haradinaj: Punimet pa kualitet e po ecin ngadal, do të duhej të përfundonte në vitin 2021
Periskopi(2 vite më parë)
(2 vite më parë)Kandidati i AAK-së për kryeministër, Ramush Haradinaj, ka vizituar punimet që po bëhen për ndërtimin e autostradës Prishtinë-Gjilan. Haradinaj ka thënë se ritmi i punimeve është i ngadaltë dhe thotë se kjo rrugë do të duhej të përfundonte në vitin 2021. Haradinaj ka thënë se fajet për këtë janë të Qeverisë e cila e ka […]
Haradinaj ka thënë se fajet për këtë janë të Qeverisë e cila e ka sjellë një projekt të tillë në gjendje dëshpëruese.
Sipas kreut të AAK-së edhe cilësia e punimeve është e dobët.
Postimi i plotë:
Zhgënjyes dhe dëshpërues ritmi i punimeve në autostradën Prishtinë – Gjilan!
Në autostradën që e filluam gjatë qeverisjes sime më 2018, me gjatësi prej 22.3 km dhe e ndarë në 8 llote, në vetëm 19 muajt e parë të projektit, kanë qenë të përfunduara 47% e punimeve. Me dinamikën e asaj kohe dhe në bazë të planifikimeve tona, ky projekt do duhej të përfundonte në 2021.
Pazotësia e qeverisë aktuale, këtë projekt e ka sjellur në gjendje të mjerueshme. Punimet po ecin me ritëm të ngadaltë, duke lënë Gjilanin dhe Anamoravën të izoluar. Kjo përbuzje nga pushteti qendror është e pafalshme. Qeveria aktuale jo vetëm që ka ndërprerë shumë projekte të filluara nga ne, por edhe ato që po vazhdojnë po kryhen me cilësi të dobët.
Më 9 shkurt, kemi mundësinë të zgjedhim një qeverisje të re që do t’i japë Kosovës zhvillimin që meriton. Me AAK-në në pushtet, Gjilani do të rikthehet në qendër të investimeve dhe projekteve kapitale.
