4 orë më parëZëdhënësi i VV-së e asamblisti Azemi dalin para gjykatës për kanosjen e gjyqtarit Bajraktari e prokurorit Shefkiu
Periskopi(2 vite më parë)
(2 vite më parë)Arlind Manxhuka, zëdhënës i Vetëvendosjes dhe Egzon Azemi, asamblist i VV-së në Prishtinë, kanë dalur para gjykatës. Ata po akuzohen për kanosjen e gjyqtarit Mentor Bajraktari dhe prokurorit Afrim Shekfiu. Kjo ndërlidhur me lirimin e Dejan Pantiqit. Nacionale është duke përcjellur seancën fillestare ndaj dy zyrtarëve të VV-së. Në aktakuzë thuhet se të pandehurit Manxhuka […]
Arlind Manxhuka, zëdhënës i Vetëvendosjes dhe Egzon Azemi, asamblist i VV-së në Prishtinë, kanë dalur para gjykatës.
Ata po akuzohen për kanosjen e gjyqtarit Mentor Bajraktari dhe prokurorit Afrim Shekfiu. Kjo ndërlidhur me lirimin e Dejan Pantiqit.
Nacionale është duke përcjellur seancën fillestare ndaj dy zyrtarëve të VV-së.
Në aktakuzë thuhet se të pandehurit Manxhuka dhe Azemi më 28 dhjetor 2022 duke keqpërdorur pozitën e tyre zyrtare nëpërmjet rrjetit social “Facebook”, me dashje kanë përhapur dhe nxitur urrejtje e mosdurim ndaj të dëmtuarve Bajraktari dhe Shefkiu, të cilët në cilësi të personave zyrtarë më 28 dhjetor 2022 kishin marrë vendim për ndryshimin e masës së paraburgimit kundër të dyshuarit Dejan Pantiq.
“Ashtu që i pandehuri Arlind ka shpërndarë postimin me fjalët: “Ky aktgjykim është akttradhëti”, pastaj kanë vazhduar me postime tjera nxitëse “Për kë punon kjo Gjykatë!?, e të ngjashme, ndërsa i pandehuri Egzon ka postuar shkrimin me fjalët: “Pas atentatit që kreu në Paris, ndaj Esat Pash Toptanit, ndër të tjera, Avniu tha”, ku këtij shkrimi i dyshuari i ka bashkangjitur një fotografi me përshkrimin: “Tradhtarët plumbin e kanë hak””, thuhet në aktakuzë.
