Vatikani: Bekimi i çifteve të të njëjtës gjini nuk është miratim i homoseksualitetit

Papa Françesku miratoi një vendim në dhjetor që lejonte priftërinjtë të bekonin çiftet e pamartuara dhe të të njëjtës gjini për sa kohë që bekimi kryhej pa asnjë lloj ritualizimi dhe nuk jepte përshtypjen e miratimit të marrëdhënies nga kisha, shkruan The Guardian.

Vendimi u mirëprit nga katolikët LGBTQ+, por shkaktoi konfuzion midis peshkopëve në disa vende, veçanërisht në Afrikë, ku disa peshkopë thanë se nuk do ta zbatonin atë.

Në një kujtesë të doktrinës së kishës katolike mbi martesën, Vatikani sqaroi të enjten se dhënia e bekimeve për çiftet e të njëjtës gjini “nuk ishte një justifikim i të gjitha veprimeve të tyre dhe ato nuk janë një miratim i jetës që ata bëjnë”. Megjithatë, masa nuk duhet të konsiderohet “heretike, në kundërshtim me traditën e kishës ose blasfemuese”.

Priftërinjtë mund të zgjidhnin të jepnin bekime rast pas rasti, por,  Vatikani pranoi se gjeste të tilla do të ishin “të pamatura” në vendet ku të qenit homoseksual mund të rezultonte në torturë, burg apo edhe vdekje, ata nuk mund të zbatonin një ndalim të plotë, transmeton klankosova.

Në deklaratën prej pesë faqesh, Vatikani shpjegoi se “bekimet baritore” duhet të mbahen “shumë të shkurtra” dhe nuk duhet të justifikojnë asgjë që “është e papranueshme moralisht”.

Vatikani përsëriti se kur një çift i të njëjtës gjini kërkon një bekim, ai “nuk duhet të jepet kurrë në përputhje me ceremonitë e një bashkimi civil, madje as në lidhje me to. As nuk mund të kryhet me ndonjë veshje, gjeste apo fjalë që i përshtaten një dasme”.

Kur masa u njoftua në dhjetor, ajo u përshkrua nga një vëzhgues si “ndryshimi më konkret baritor në qëndrimin e kishës ndaj çifteve homoseksuale në historinë 2000-vjeçare të kishës”.