‘Mashtrim në detyrë’ nga zyrtarë të shtetit: Çka dihet deri tani për aksionin e Policisë në mëngjesin e sotëm

Foto:Ilustrim

Në mëngjesin e sotëm është zhvilluar një aksion nga Policia e Kosovës në koordinim me Prokurorin Themelore të Prishtinës, shkruan Periskopi.

Aksioni nisi pas dyshimeve për kryerjen e veprave penale “Mashtrimi në detyrë”, “Dokumentet e rrejshme lidhur me tatimin” dhe “Shmangia nga tatimi”.

Rastin e ka konfirmuar edhe zëdhënësja e Prokurorisë Themelore të Prishtinës, Laureta Ulaj.

Ajo theksoi se dyshohet se në kryerjen e këtyre veprave penale janë persona zyrtarë e qytetarë.

“Kryeprokurori i Prokurorisë Themelore në Prishtinë, Zejnullah Gashi, njofton se nën udhëheqjen e kësaj prokurorie, më konkretisht nga Departamenti për Krime Ekonomike dhe Korrupsion, në koordinim të plotë me Policinë dhe pas aprovimit të Gjyqtarit të Procedurës Paraprake, është duke u zhvilluar një aksion që nga mëngjesi, përfshirë disa lokacione në nivel në Kosovës, mbi dyshimin e kryerjes së veprave penale nga persona zyrtarë e qytetarë, më konkretisht dyshim mbi kryerjen e veprave penale “Mashtrimi në detyrë”, “Dokumentet e rrejshme lidhur me tatimin” dhe “Shmangia nga tatimi””, tha ajo sot.

Megjithatë deri në këto momente ende nuk ka ndonjë përditësim të të dhënave nga Policia dhe Porkuroria.

Periskopi do ju mbajë të informuar në lidhje me zhvillimet rreth këtij aksioni…