6 orë më parëInvalidi u aksidentua rëndë, nuk u pranua në spital, vdiq pas një jave – rrëfehen familjarët pas vdekjes së 49-vjeçarit në Skenderaj
Periskopi(2 vite më parë)
(2 vite më parë)Një ngjarje e rëndë ka ndodhur në komunën e Skenderajt. Në fshatin Llaushë, Bekim Geci, një person me aftësi të kufizuara është goditur më 27 dhjetor nga një veturë ku është lënduar rëndë. Familjarët kanë rrëfyer se edhe pse gjendjen e kishte të rëndë, i njëjti nuk është pranuar për trajtim në spital. Nëna e […]
Familjarët kanë rrëfyer se edhe pse gjendjen e kishte të rëndë, i njëjti nuk është pranuar për trajtim në spital.
Nëna e tij, mes lotëve ka rrëfyer për Paparaci.com se është kujdesur për të birin deri në momentet e fundit të jetës së tij.
“Nonstop u kanë nën përkujdesjen tem, e kena këqyrë non-stop derisa ka ndërru jetë. Ditën që ka ndërru jetë, dje, e kom vesh e kom mathë me çu në spital në Prishtinë, ai u vdekë në 08:00 ora të sabahut në shtëpi. Skenderaji e ka marrë të vdekun prej këtu e ka çu në Skenderaj”, ka thënë ajo.
Geci kishte pasur lëndime të rënda, ndërsa vëllai i tij ka rrëfyer se si ai nuk ishte pranuar në spital.
Lidhur me këtë rast nuk është arrestuar as shoferi i cili e ka goditur me veturë, përveç se i njëjti është intervistuar natën e aksidentit.
Bekim Geci ndërroi jetë më 3 janar në shtëpi, siç rrëfen edhe nëna e tij. Nëna dhe vëllai i Bekimit akuzojnë mjekët për papërgjegjësi në trajtimin e familjarit të tyre.
Trupi i Gecit është dërguar në Institutin e Mjekësisë Ligjore.
