Faji i Qeverisë Kurti, Kosova i vetmi vend në Ballkan që humbet investimet milionëshe të programit evropian “INTERREG”

Kosova ka humbur miliona euro për fajin e zëvëndëskryeministrit, Besnik Bislimi. Kështu ka thënë zëdhënësi i komunës së Ferizajt, Selim Marevci, shkruan Periskopi.

Përmes një postimi në llogarinë e tij në Facebook, Marevci ka njoftuar se Kosova ka humbur “mundësinë për të anëtarësuar vendin në programet e INTERREG, ku do të kishim mundësi të shfrytëzonim fonde të mëdha për zhvillimin e komunave dhe rajoneve të Kosovës”.

“Të gjitha këto programe me fonde janë në vlerë shumë milionëshe, që qeveria jonë i humbi pa asnjë arsye, vetëm si pasojë e mos dijës, arrogancës dhe neglizhencës”, ka shkrur ndër të tjera Marevci.

Postimi i plotë i Selim Marevcit:

Kosovës i humbën fondet milionëshe!

Qeveria e Kosovës, si pasojë e neglizhencës, sidomos të digasterit të Integrimeve Evropiane që drejtohet nga Zëvendëskryeministri, e humb mundësinë për të anëtarësuar vendin në programet e INTERREG, ku do të kishim mundësi të shfrytëzonim fonde të mëdha për zhvillimin e komunave dhe rajoneve të Kosovës.

Gjithashtu, humbem edhe mundësinë e anëtarësimit në programet e ERUOMED dhe ADRION.
Të gjitha këto programe me fonde janë në vlerë shumë milionëshe, që qeveria jonë i humbi pa asnjë arsye, vetëm si pasojë e mos dijës, arrogancës dhe neglizhencës.

Të gjitha shtetet e Ballkanit kanë shfrytëzuar këtë mundësi dhe janë bërë anëtare, përveç shtetit tonë, Republikës së Kosovës.
Dikush duhet të reagoj, e dikush edhe duhet të jep llogari për këtë dështim!

Shih listën e vendeve anëtare! ⬇️