Vuçiqi paralajmëron zgjedhjet në Serbi

Zgjedhjet parlamentare, provinciale, të Beogradit dhe zgjedhjet tjera komunale mund të mbahen më 17 dhjetor, ka njoftuar sonte presidenti serb Aleksandar Vuçiq.

Lidhur me kërkesat e opozitës për mbajtjen e zgjedhjeve, ai thotë se e ka pranuar plotësisht idenë e tyre.

“Ne kemi qenë të gatshëm për zgjedhje që nga 17 dhjetori”, tha Vuçiq, duke saktësuar se zgjedhjet mund të mbahen edhe atë ditë.

I pyetur nëse bëhet fjalë për zgjedhje të jashtëzakonshme parlamentare dhe të Beogradit, Vuçiq tha se do të ketë zgjedhje parlamentare, të Beogradit, provinciale dhe zgjedhje në disa komuna të tjera, por jo në shumicë.

I pyetur nëse do të jetë në listën e SNS-së, ai thotë se do të jetë nëse do t’i kërkojnë një gjë të tillë.

“Kam biseduar me disa njerëz, disa janë pro, disa janë kundër. Edhe pse për momentin nuk mendoj se është çështje kyçe, duhet të respektoni demokracinë dhe partitë opozitare, çfarëdo që mendoni për punën e tyre”, tha Vuçiq.