Vuçiq i çuditshëm rrugëve të NY: Do të lë gjurmë sot me fjalim, ndoshta më ndërpresin

Presidenti serb Aleksandar Vuçiq do të mbajë sot pas orës 17:00 një siç e quan ai vet “fjalim historik” para Asamblesë së Përgjithshme të OKB-së në Nju Jork, ku janë mbledhur zyrtarë të lartë politikë. Ai ka bërë të ditur se fjalimi i tij nuk do t’i pëlqejë shumë njerëzve, ndërsa para fjalimit ka postuar në rrjetet sociale një foto nga rrugët e Nju Jorkut duke dërguar një mesazh të çuditshëm.

“Për tridhjetë vjet populli serb vuajti hipokrizinë, presionet dhe sulmet më të rënda, vetëm pse donte të ruante tokën e tij dhe vatrat e stërgjyshërve të tij. Në ato tridhjetë vjet na morën gjithçka, nga njerëzit në territor. Dhe për gjithçka që na bënë, na fajësuan gjithmonë. Sot situata për vendin tonë është po aq e vështirë sa ishte para pesëmbëdhjetë apo njëzet viteve. Megjithatë, për herë të parë, erërat e lirisë po fryjnë gjithnjë e më fort këtu në OKB. Ne, serbët dhe qytetarët e Serbisë, thithim ajrin e lirisë me mushkëri të plota dhe do ta mbrojmë vendin tonë. Nuk ka dorëzim!”, ka shkruar ai në Instagram.

Më herët ai tha se temë kryesore e fjalimit të tij do të jenë parimet e së drejtës ndërkombëtare publike.

“Unë si veteran politik dua të lë gjurmë me atë fjalim dhe kërkoj nga qytetarët e Serbisë që ta dëgjojnë, do të jetë pas orës 17:00, do të flas faktet, të vërtetën dhe besoj se shumë nuk do t’ju pëlqejë. atë. Ndoshta do të flas pak më gjatë, ndoshta do të më ndërpresin, disa folën më gjatë, nuk u ndërprenë – tha Aleksandar Vuçiq dhe tha se i renditi të gjithë liderët e mëdhenj që folën më gjatë dhe se do t’i përdorte ato fakte nëse ai u ndërpre”