Spahiu: Do të ishte fitore 100% nëse do të arrestoheshin të gjithë terroristët dje

Analisti Nexhmedin Spahiu, tha mbrëmë në emisionin e debatit të televizionit Dukagjini, se ‘dje nuk ishte fitore 100% për Kosovën’ meqë nuk arriti t’i arrestojë ose neutralizojë të gjithë terroristët.

‘Ky është një akt agresioni i shtetit të Serbisë mbi shtetin e Kosovës. Natyrisht që Vuciq do të duhej ta mohonte për faktin se nuk kanë pasë uniforma të shtetit të Serbisë. Sigurisht që ai do ta mohonte këtë gjë.

Një përpjekje për kryengritje në veri të Kosovës, për të marrë situatën në Kosovë, atje i dështoi.

Sigurisht, aksioni i Vuciqit dështoi por me sa po duket as shteti i Kosovës nuk arriti ta bëj një fitore të qind për qindtë për faktin se një pjesë e madhe e terrositëve arritën të ikin ose u lejuan të ikin në pamundësi për t’u arrestuar ose neutralizuar, gjë që do të ishte një sukses jashtëzakonisht i madh për Kosovën.

Fakti që kanë ikur e bën situatën jo të sigurtë ditëve në vijim’, tha Spahiu./Periskopi