6 minuta më parëSkandali me 4 ton kokainë: Aktakuzë për kryetarin e Budvës se ishte pjesë e bandës që po e trafikonte
Periskopi(3 vite më parë)
(3 vite më parë)Prokuroria Speciale e Shtetit për Krimin e Organizuar në Mal të Zi ka ngritur aktakuzë kundër 21 personave për vepra të ndryshme penale në fushën e krimit të organizuar. Sipas mediave malazeze, në mesin e të akuzuarve janë kryetari i komunës së Budvës, Milo Bozhoviq, një nga krerët e supozuar të klanit “Kavaçi”, Radoje Zvicer […]
Prokuroria speciale e shtetit në fund të javës njoftoi se ka ngritur padi kundër 21 personave për prodhim të paautorizuar të drogës, pastrim parash, armëmbajtje pa leje, nxjerrje të informacioneve të klasifikuara dhe keqpërdorim të pozitës zyrtare.
Përveç kryetarit të komunës së Budvës, Milo Bozhoviq , dhe njërit prej liderëve të supozuar të klanit kavashkë, Radoj Zvicer, të akuzuar janë edhe polici Ljubo Miloviq , punonjës i Agjencisë Kombëtare të Sigurisë, Petar Lazoviq dhe ish-ndihmës drejtori i policisë.
Bozhoviç u arrestua në mes të prillit me dyshimin se organizoi transportin e tre ngarkesave të kokainës dhe ndodhet në paraburgim. Lazoviq dhe Knezheviq u ndaluan gjithashtu. Miloviq dhe Zvicer dhe disa të pandehur të tjerë janë në arrati.
Sipas gazetës malazeze Vijesta, aktakuza akuzon kryetarin e Budvës për themelimin e një organizate kriminale dhe kontrabandë droge, ndërsa Knezheviq akuzohet për nxjerrje të informacioneve sekrete dhe shpërdorim të pozitës zyrtare.
Anëtarët e grupit kriminal akuzohen ndër të tjera për kontrabandën e 4.3 ton kokainë, pastrimin e shtatë milionë eurove, si dhe shkaktimin e rrezikut të përgjithshëm dhe armëmbajtje pa leje.
