Sekretari Blinken me kitarë në nismën e re të diplomacsë muzikore amerikane

Sekretari amerikan i Shtetit, Antony Blinken, duket të ketë nisur një iniciativë të re, atë të Diplomacisë Muzikore.

Kjo meqë të mëkrurën që e lëmë pas, ndryshe nga politika e tij e zakonshme, ai zgjodhi një tjetër mjet të preferuar –  kitarën, transmeton klankosova.tv.

Pas shfaqjeve në dhomën e pritjes zyrtare të Departamentit të Shtetit nga ikona e xhazit, Herbie Hancock, Dave Grohl e Nirvanës dhe të famshmit Foo Fighters, dhe këngëtarit të ri pop Gayle, Blinken doli vetë në skenë, duke bërë shaka se ishte i sigurt se do t’i linte pa fjalë të gjithë.

Duke luajtur kitarë ritmike në një bend dhe duke e kthyer zërin e tij zakonisht të butë në një më të thellë, Blinken ofroi një interpretim të “Hoochie Coochie Man” nga legjenda e blues Muddy Waters, me audiencën — vartësit e tij në Departamentin e Shtetit, brohorisnin.

Kultura pop amerikane për dekada ka dominuar pjesën më të madhe të globit, megjithëse është rritur kryesisht pa mbështetjen e qeverisë.

Iniciativa Globale e Diplomacisë Muzikore do të sjellë një gjeneratë të re turnesh, me plane për udhëtime në 30 vende gjatë vitit të ardhshëm nga një sërë aktesh amerikane.

Si pjesë e nismës së re të Blinken, Hancock do të udhëtojë në Jordani në përvjetorin e një turneu të vitit 1963 nga pianisti i xhazit Duke Ellington. Ai gjithashtu do të bëjë një udhëtim të parë në llojin e tij në Arabinë Saudite, një shtet i rreptë islamik që vetëm kohët e fundit ka filluar të hapet për shfaqjet muzikore publike.

Nisma do të shohë gjithashtu reperët amerikanë që shkojnë në Nigeri për të diskutuar përdorimin e muzikës për të adresuar konfliktin.