7 orë më parëRama: KFOR-i ta marrë nën kontroll veriun
Periskopi(3 vite më parë)
(3 vite më parë)Kryeministri shqiptar Edi Rama, thotë se KFOR duhet ta marrë nën kontroll veriun e Kosovës. Ja çka tha ai në konferencë të jashtëzakonshme, përcjell Periskopi: “Ajo që ndodhi dje, të mos përsëritet nesër dhe larg qoftë edhe më keq dhe Qeveria e Kosovës të mos degradojë në arenë luftimesh të herë pas hershme që mund […]
Ja çka tha ai në konferencë të jashtëzakonshme, përcjell Periskopi:
“Ajo që ndodhi dje, të mos përsëritet nesër dhe larg qoftë edhe më keq dhe Qeveria e Kosovës të mos degradojë në arenë luftimesh të herë pas hershme që mund ta kthejnë veriun në një Donbas të vogël, por mjaftueshmërisht për ta kthyer të djeshmen në të sotmen, duke i humbur Shqipërisë në radhë të parë e Kosovës njëkohësisht pa dyshim dhe pastaj gjithë këtij rajoni edhe kush e di sa vite të tjera.
Për tu rikthyer këtu ku jemi sot, lëre pastaj për të shkuar atje ku duhet medoemos të jemi nesër.
Nëse kohë përpara këtyre zhvillimeve kaq dramatike, kam thënë dhe kam kërkuar disa herë zyrtarisht në instancat ndërkombëtare, se formati i bisedimeve duhej ngritur në një konferencë me referencë planin franko-gjerman.
Përndryshe, bashkë me stokun e gjithë atyre marrëveshjeve të pazbatuara, vonesa në hapa mund të sjell edhe një stok viktimash të një konflikti të armatosur.
Dhe për të parandaluar në cdo mënyrë dhe cdo mjet këtë konflikt që sot duket më i mundshëm se asnjëherë më parë, KFOR-i duhet të marrë në kontroll veriun e Kosovës.
Është një propozim që e kam bërë edhe më parë, e kam bërë edhe në Samitin e NATO-s.
Më vjen mirë që tani këtë e kërkon edhe Kosova, KFOR-in në veri”./Periskopi
