Pozitë e opozitë bashkë: Rezolutë disa-pikëshe pas sulmit terrorist të Serbisë ndaj Kosovës

–Duke marrë për bazë gjendjen e sigurisë në të cilën po kalon vendi pas sulmit terrorist të organizuar nga Republika e Serbisë ndaj sovranitetit shtetëror të Republikës së Kosovës;

–Duke theksuar rëndësinë e ruajtjes dhe mbrojtjes së sovranitetit shtetëror të Republikës së Kosovës di dhe angazhimin tonë për t’i kontribuuar paqes dhe stabilitetit në rajon;

-Të vendosur që Republika e Kosovës të jetë vend i lirë, demokratik, paqedashës dhe atdhe i qytetarëve të saj të cilëve iu garantohet e drejtat, liritë dhe barazitë para ligjit

– Të përkushtuar për ta luftuar e parandaluar me mjete kushtetuese ligjore, çfarëdo veprimi dhe përpjekje e cila cenon apo rrezikon rendin kushtetues të Republikës së Kosovës,

-Kuvendi i Kosovës e dënon me termat më të ashpër sulmin terrorist të organizuar nga Republika e Serbisë mbi policinë e Kosovës më 24 shtator 2023,

-Kërkon nga faktori ndërkombëtar që ta ushtrojë rolin e tij për ta ballafaquar Serbinë me rolin e saj në raport me organizimin dhe mbështetjen e cfarëdollojshme që i ka bërë grupit terrorist që i ka bërë Republikës së Kosovës

-Vlerëson punën dhe angazhimin dhe rezultatet e institucioneve të Kosovës dhe institucioneve partnere të sigurisë, EULEX dhe KFOR në aksionin e përbashkët për zbrapsjen e sulmeve terroriste

-Ofron mbështetjen e parezervë për Policinë e Kosovës për ruajtjen e rendit dhe sigurisë në territorin e Kosovës

-Kërkon punën e përbashkët për integrimin e plotë dhe bashkëjetetsën e të gjitha komuniteteve pa dallim në Republikën e Kosovës

-Inkurajon dhe mbështet pluralizimin politik në radhët e komunitetit serb në Kosovë

-Kërkon nga Qeveria e Kosovës të bashkëpunojë me aleatët ndërkombëtarë, në vecanti me Shtetet e Bashkuara të Amerikës për ta fuqizuar shtetin e së drejtës dhe vlerat tona të përbashkëta euro atlantike.

-Konstaton nevojën për hetim ndërkombëtar ndaj Republikës së Serbisë, për organizimin e aktiviteteve terroriste dhe vazhdimin e ekzistencës së kampeve stërvitore të grupeve terroriste në territorin e Serbisë. /Periskopi