5 orë më parëMASHT-i nis një aksion të shkarkimeve, mes tyre edhe drejtori i Qendrës Studentore
Periskopi(3 vite më parë)
(3 vite më parë)Ministria e Arsimit, Shkencës, Teknologjisë dhe Inovacionit ka vendosur të shkarkojë drejtorin e Përgjithshëm të Inspektoratit të Arsimit, Dëfrim Gashi, drejtorin e Përgjithshëm të Qendrës së Studentëve, Fatmir Sfishta, dhe drejtorin e Institutit Pedagogjik të Kosovës, Nezir Çoçaj, me arsyetimin se janë zbuluar shkelje ligjore në lidhje me emërimet dhe periudhat e mandatit të tyre […]
Ministria e Arsimit, Shkencës, Teknologjisë dhe Inovacionit ka vendosur të shkarkojë drejtorin e Përgjithshëm të Inspektoratit të Arsimit, Dëfrim Gashi, drejtorin e Përgjithshëm të Qendrës së Studentëve, Fatmir Sfishta, dhe drejtorin e Institutit Pedagogjik të Kosovës, Nezir Çoçaj, me arsyetimin se janë zbuluar shkelje ligjore në lidhje me emërimet dhe periudhat e mandatit të tyre
Ministria e Arsimit, Shkencës, Teknologjisë dhe Inovacionit ka marrë vendim të shkarkojë drejtorët e përgjithshëm të tre degëve brenda institucionit.
Drejtori i përgjithshëm i Inspektoratit të Arsimit, Dëfrim Gashi, është ndër personat që janë shkarkuar.
Vendimi për shkarkimin e tij është marrë me arsyetimin se janë zbuluar shkelje të rënda të dispozitave ligjore në lidhje me emërimin dhe kohëzgjatjen e marrëdhënies së punës.
Gashi ishte emëruar në këtë pozitë më 3 tetor të vitit 2016, ndërsa ligji përcakton që mandati në këtë pozitë të jetë trevjeçar.
Po ashtu, me të njëjtin arsyetim është shkarkuar drejtori i përgjithshëm i Qendrës së Studentëve, Fatmir Sfishta, i cili ishte emëruar në këtë pozitë më 21 qershor të vitit 2012.
Ligji gjithashtu kërkon që mandati në këtë pozitë të jetë trevjeçar.
Në fund, edhe drejtori i Institutit Pedagogjik të Kosovës, Nezir Çoçaj, është shkarkuar nga detyra e tij.
Ai kishte marrë detyrën më 15 dhjetor të vitit 2013, dhe, siç përcakton ligji, mandati i tij është gjithashtu trevjeçar./Dukagjini
