6 orë më parëDetaje për vrasjen në Malishevë: Viktima e kishte shok personin që dyshohet se e vrau
Periskopi(3 vite më parë)
(3 vite më parë)Një vrasje e rëndë ka ndodhur në Malishevë në mëngjesin e ditës së sotme, shkruan Periskopi. Rastin e ka konfirmuar për Periskopin edhe zëdhënësi i Policisë së Kosovës për Rajonin e Gjakovës, Sheremet Elezaj, i cili tha se vdekja e viktimës është konstatuar në vendin e ngjarjes. “Rreth orës 07:15 është raportuar se në fshatin […]
Një vrasje e rëndë ka ndodhur në Malishevë në mëngjesin e ditës së sotme, shkruan Periskopi.
Rastin e ka konfirmuar për Periskopin edhe zëdhënësi i Policisë së Kosovës për Rajonin e Gjakovës, Sheremet Elezaj, i cili tha se vdekja e viktimës është konstatuar në vendin e ngjarjes.
“Rreth orës 07:15 është raportuar se në fshatin Banjë-Malishevë, viktima mashkull i moshës madhore është gjetur pa shenja jetë, dyshohet të jetë qëlluar me armë zjarri. Ekipi mjekësor i cili ka dalë në vendin e ngjarjes ka konstatuar vdekjen e tij. Një person, po ashtu mashkull i moshës madhore, është dorëzuar në Stacionin Policor në Malishevë dhe nga hetimet e para dyshohet se i njëjti, për motive ende të panjohura, ka qëlluar viktimën me armë zjarri. Njësitet e nevojshme policore kanë dalë në vendin e ngjarjes si dhe është njoftuar prokurori i shtetit në koordinim të cilin janë duke u ndërmarr veprimet e nevojshme hetimore”, tha Elezaj.
Ndërsa sipas burimeve të Sinjalit i dyshuari është Isuf Zogaj dhe i njëjti e kishte shok viktimën.
