Bastisjet në veri: Prokuroria kërkon sekuestrimin e vilës së Radojiçiqit në Ujman

Policia e Kosovës sot ka kryer kontrolle në pesë lokacione nëpër tri komuna në veri të Kosovës.

Prokurori i rastit, Naim Abazi, ka thënë se sot në Zveçan, Zubin Potok dhe Mitrovicë e Veriut, kanë bastisur pesë lokacione me ç‘rast janë konfiskuar dy makina, një barkë motorike dhe dy motorë me katër rrota.

Ai i konfirmoi Klan Kosovës se i ka kërkuar gjykatës që të caktojë urdhrin ndalues që është hap para sekuestrimit për një vilë buzë liqenit të Ujmanit, një penthouse dhe një lokal.

E gjithë bastisja ka lidhje direkte mbi hetimet që po i bën prokuroria për rastin e 24 shtatorit në Banjskë të Zveçanit kur një grup i armatosur terrorist sulmoi Policinë e Kosovës.

Shteti tashmë e ka identifikuar që udhëheqës i këtij grupi është tash nënkryetari i Listës Serbe, Milan Radojiçiq.