7 orë më parëKonjufca për deklaratën e Klinakut: E papranueshme, është kërcënim i hapur për kryeministrin e Kosovës
Periskopi(3 vite më parë)
(3 vite më parë)Gjatë ditës së djeshme, përfaqësuesi i OVL-së, Faton Klinaku ka deklaruar se më përpara e vret kryeministrin e Kosovës, Albin Kurtin se sa ikën nga Kosova. Këtë deklaratë të u.d i kryetarit të OVL-UÇK, kryeparlamentari Glauk Konjufca e ka cilësuar si kërcënim të hapur për kryeministrin Kurti. “Mendoj që ishte një shprehje shumë e papranueshme […]
Gjatë ditës së djeshme, përfaqësuesi i OVL-së, Faton Klinaku ka deklaruar se më përpara e vret kryeministrin e Kosovës, Albin Kurtin se sa ikën nga Kosova.
Këtë deklaratë të u.d i kryetarit të OVL-UÇK, kryeparlamentari Glauk Konjufca e ka cilësuar si kërcënim të hapur për kryeministrin Kurti.
“Mendoj që ishte një shprehje shumë e papranueshme aq më tepër kur vie nga një personalitet i cili përfaqëson një shoqatë kaq të respektuar që të flet fjalë të tilla më të vërtetë është e papranueshme. Ne e dimë secili çka përfaqëson. Albin Kurti është kryeministër i Republikës së Kosovës, ai është zgjedhur nga populli i Kosovës, atë e kanë zgjedhur të zgjedhurit e popullit të Kosovës, nga parlamenti është zgjedhur. Nuk mund të kategorizohet kjo e zotëri Klinakut në liri të shprehjes. Kjo nuk kishte të bënte asgjë me liri të shprehjes. Unë mendoj ky është kërcënim i hapur për kryeministrin e Kosovës dhe si e tillë është e papranueshme”, i tha Konjufca lajmi.net.
