HIB Petrol sjell super mbushësit e shpejtë të makinave elektrike nga Siemens

HIB vjen së shpejti me mbushësit e shpejtë elektrik nga Siemens, tekonologji e cila mundëson mbushjen e shpejtë të katër veturave elektrike, njëkohësisht. Kapaciteti i super-mbuëshsve të Siemens, “SiCharge D” shkon deri në 300 kilovat, ose rreth 15 minuta për mbushje të një makine elektrike.

Prishtinë, 28 gusht – Hib Petrol po sjell të ardhmen e mbushjes së veturave elektrike në Prishtinë. E këtë revolucion të teknologjisë synon ta përmbushë me prezantimin e mbushësve super të shpejtë elektrik nga gjiganti gjerman Siemens.

Mbushësi e ri dhe të shpejtë të Siemens në HIB janë një zgjedhje e përshtatshme ekonomike dhe premtojnë një eksperiencë të jashtëzakonshme që do të përmbushë nevojat në rritje të veturave elektrike në kryeqytet.

Të dizajnuar për të përmbushur çdo nevojë të pronarëve të veturave elektrike, këta mbushës karakterizohen nga shpejtësia, fuqia dhe  lehtësia e përdorimit. Me aftësinë për të ofruar mbushje deri në 300 kilovat, ose rreth 15 minuta për mbushje të një makine elektrike, mbushësit super të shpejtë nga Siemens në HIB janë pajisja e duhur për të përmbushur kërkesat e çdo makine elektrike në vendin tonë.

Një nga aftësitë me të dallueshme të këtyre mbushësve është teknologjia inovative që u mundëson optimizimin e kërkesave individuale të secilës makinë duke e bërë më pas shpërndarjen e energjisë bazuar në nevojat e çdo veture që është duke u mbushur. Kjo, jo vetëm që është më efiçiente mirëpo mundëson edhe mbushjen elektrike të disa veturave njëkohësisht. Një veçori tjetër është ekrani 24-inch që e bënë të lehtë përditësimin e të dhënave dhe e bënë procesin më informues dhe më të këndshëm për përdoruesit.

Hib Petrol, është i vendosur për të punuar për një të ardhme me të qëndrueshme dhe sjellja e mbushësve të ri, është dëshmi e dedikimit të kompanisë për mbrojtje të ambientit. Mbushësit që janë efiçient do të ndikojnë në reduktimin e dioksidit të karbonit të Prishtinë duke përmirësuar cilësinë e ajrit në kryeqytet.

Amir Tusuni nga HIB Petrol, ka shprehur entuziazmin e kompanisë në lidhje e këtë prurje të re të inovacionit të fundit për konsumatorët e HIB.

“Jemi shumë të lumtur që kemi arritur të sjellim këta mbushës të ri në Prishtinë. Ky është një hap shumë i rëndësishëm për një të ardhme më të qëndrueshme dhe besojmë që këta mbushës inovativ do të shtyjnë njerëzit që të përdorin më shumë makinat elektrike duke kontribuar kështu në zvogëlimin e dioksidit të karbonit”.

Ardhja e mbushësve të ri është një moment kulmor për tranzicionin e qytetit. HIB Petrol është i përkushtuar për të qenë çdo herë në hap me sjelljet e reja teknologjike dhe është përkrahës i mënyrave më të shëndetshme të transportit.

Për më shumë informata në lidhje me mbushësit e ri, ju lutem vizitoni hibpetrol.com