Bahtiri për Hetemin e ngujuar: De facto dhe de juro s’di çka të them, kështu s’iu shërben qytetarëve

Prej më shumë se 100 ditësh, Lulzim Hetemi po qëndron në zyrën e tij në Leposaviq. Kryetari i zgjedhur në këtë komunë nga partia Vetëvendosje, ka bërë bujë në vazhdimësi duke qenë që zyrën nuk e ka lëshuar prej kur është futur në të.

Agim Bahtiri, ish kryetar i Mitrovicës, ka thënë se nuk e di se a do të mund të qëndronte si Lulzim Hetemi në zyrë.

Ai thotë se nuk beson që është ‘vendim i Lulzim Hetemit për të qëndruar kështu në zyrë’.

“Unë mendoj nëse është në të mirën e qytetarëve dhe është vizion që shkon për shtati, nashta edhe unë e kisha bo një gjë të tillë por de facto dhe de juro nuk e di çka të them, por sigurisht ka këshilltarë që mund ta këshillojnë dhe po mendoj që ai e din se a është i mirë a nuk është i mirë.

Unë nuk besoj se është vendim i tij, pavarësisht kush e ka marrë atë vendim, nuk e di sa iu jep shërbime qytetarëve, ky është problemi”, tha Bahtiri në emisionin e ri Gallatë të kanalit 10, përcjell Periskopi.

Bahtiri thotë se nuk e di nëse kjo formë siç po qëndron Lulzim Hetemi në zyrë, është e dobishme për qytetarët.

“Kryetari zgjidhet me iu dhanë shërbime qytetarëve, unë nuk kam qenë në Leposaviq dhe nuk e di cili është angazhimi i tij, a po mundet me iu dhanë qytetarëve.

Ne duhet me kuptu që kjo gjendje duhet me ndryshu sepse në veri, jemi pakicë. Toka është e Kosovës dhe duhet me qeverisë më rregullat dhe ligjet e Kosovës”, tha Bahtiri./Periskopi/