8 orë më parëZëdhënësi i AUV-it tregon nëse murtaja afrikane e derrit nuk bartet te njeriu
Periskopi(3 vite më parë)
(3 vite më parë)Një sëmundje e re ka prekur vendin për herë të parë, bëhet fjalë për murtajën afrikane të derrit. Por zëdhënësi i Agjencisë së Ushqimit dhe Veterinarisë në Kosovë, Lumir Thaçi, ka bërë të ditur se kjo sëmundje nënkupton që preken vetëm derrat e egër dhe derrat e butë. Zëdhënësi i Agjencisë së Ushqimit dhe Veterinarisë […]
Zëdhënësi i Agjencisë së Ushqimit dhe Veterinarisë në Kosovë, Lumir Thaçi, gjersa ka folur për zbulimin e murtajës afrikane të derrit në disa zona të vendit, ka thënë se edhe pse kjo sëmundje ka shkaktuar një situatë të vështirë në sektorin e bujqësisë dhe fermave, nuk ka asnjë dyshim që mund të bartet te njerëzit, duke qenë e rrezikshme vetëm për derrat e egër dhe derrat e butë.
“Është një sëmundje e re që e ka prekur vendin tonë për herë të parë, bëhet fjalë për murtajën afrikane të derrit, dhe për nga origjina e ka marrë edhe emrin. Por këtu nënkupton që preken vetëm derrat e egër dhe derrat e butë”, ka thënë Thaçi për RTV Dukagjini.
“Nga të gjitha hulumtimet shkencore që ekzistojnë deri më tani nuk është gjetur asnjë dyshim që kjo sëmundje mund të bartet tek njeriu, por nuk është gjetur as edhe ndonjë dyshim që kjo sëmundje mund të barte te ndonjë lloj tjetër i kafshëve”, ka thënë tutje ai.
Ndërkohë që murtaja afrikane e derrit nuk paraqet rrezik për konsumatorët e mishit, shqetësimi kryesor sipas tij, fokusohet te ekonomia vendore dhe fermat e prekura.
