6 orë më parëVuçiq: Ne kemi shumë më tepër për të humbur sesa Kurti, rrogat tona janë dy herë më të larta se atje poshtë
Periskopi(3 vite më parë)
(3 vite më parë)Presidenti serb, Aleksandar Vuçiq, ka marrë pjesë në hapjen e një pjese të autostradës E-80 Nish-Merdarë, prej gjithsej 5,5 kilometra. Vuçiq, ka thënë se autostrada Nish – Merdare do të jetë “shpëtim” për rajonin e Toplicës dhe se është me rëndësi të madhe për Prokupljën, Bllacën dhe Kurshumlinë dhe se do të kushtojë një miliard […]
Presidenti serb, Aleksandar Vuçiq, ka marrë pjesë në hapjen e një pjese të autostradës E-80 Nish-Merdarë, prej gjithsej 5,5 kilometra.
Vuçiq, ka thënë se autostrada Nish – Merdare do të jetë “shpëtim” për rajonin e Toplicës dhe se është me rëndësi të madhe për Prokupljën, Bllacën dhe Kurshumlinë dhe se do të kushtojë një miliard e 200, deri në një miliardë e 400 milionë euro.
“Mendoj se është shumë e rëndësishme që të lidhemi me Graçanicën tonë, por edhe me Prishtinën, Tiranën, Durrësin. Kjo na lehtëson punën dhe zhvillimin, importin dhe eksportin e mallrave dhe shërbimeve”, ka thënë ai.
Vuçiq ka përmendur edhe kryeministrin e Kosovës Albin Kurti, duke thënë se “ne kemi më shumë për të humbur sesa Kurti”.
“Ne kemi shumë më tepër për të humbur sesa Kurti. Ne kemi një ekonomi “shumë më të fortë”, njerëzit jetojnë shumë më mirë, rrogat tona janë dy herë më të larta se atje poshtë”, ka pretenduar Vuçiq.
