7 orë më parëPolicia: Numri i aksidenteve me fatalitet ka shënuar rënie
Periskopi(3 vite më parë)
(3 vite më parë)Drejtori i Divizionit të Komunikacionit Rrugor në Policinë e Kosovës, Jeton Rexhepi, në “Info Plus”, ka folur për komunikacionin rrugor në Kosovë, duke dhënë statistika për numrin e aksidenteve në periudha të ndryshme, me pasoja, qoftë me fatalitet, qoftë me dëme, etj. Sipas drejtorit të Divizionit të Komunikacionit, numri i aksidenteve në përgjithësi është një […]
Sipas drejtorit të Divizionit të Komunikacionit, numri i aksidenteve në përgjithësi është një rritje e lehtë i këtyre rasteve.
“Përkundër kushteve dhe numrit të automjeteve të ngarkuara, sidomos ditëve të fundit, por edhe kushteve që kanë mbizotëruar nga pjesa e parë e këtij viti,për fat të mirë, numri i aksidenteve me fatalitet ka shënuar rënie”, tha Rexhepi.
Ai ka bërë krahasimin statistikor në periudhën e njëjtë të vitit të kaluar, ku sipas tij, sivjet numri i aksidenteve me fatalitet është për 10 persona më pak, sesa në vitin e kaluar.
“Numri i aksidenteve në përgjithësi shënon një rritje rreth 5 për qind, derisa aksidente me lëndime e dëme në këtë pjesë të vitit shënojnë një ngritje të lehtë, diku rreth 4 deri në 5 për qind”, deklaroi Rexhepi në “Info Plus”, në RTK.
Ai, më tej, shtoi se ardhja e bashkatdhetarëve në Kosovë rrit numrin e automjeteve në trafik, që nënkupton se aksidente mund të kenë rritje në krahasim në muajt paraprak, por edhe në muajt në vijim.
“Por për fat të mirë, numri i aksidenteve me fatalitet në këtë periudhë shënon një ulje të rasteve në krahasim me periudhën e njëjtë të viteve të kaluara, kështu që Policia e Kosovës ka ngritur një angazhim shtesë që të ketë prezencë të shtuar në terren, në patrullime të ndryshme”, tha, mes tjerash, Rexhepi.
