Kurti: S’i di hollësitë për lirimin e të dyshuarve për sulme në veri, me Prokurorinë s’jam i kënaqur

Kryeministri Albin Kurti ka komentuar lirimin e disa nga serbëve të  dyshuar për sulmin në veri ndaj KFOR-it dhe gazetareve.

Ai tha se nuk ka detaje se si është marrë një vendim i tillë, por që publikisht ka deklaruar se nuk është i kënaqur me punën e prokurorisë.

“Sa i përket lirimin të të pandehurve që janë mbajtur në paraburgim dhe disa janë liruar në arrest shtëpiak, unë nuk e kam parasysh hollësitë e lëndëve të veçanta dhe as detajet se qysh është marrë një vendim i tillë. Natyrisht ju e dini se në përgjithësi se me prokurorinë nuk jam i kënaqur. Besojë që kanë treguar një lloje pasivitetit konstantë, po ashtu nga numri i madhe i informacioneve edhe i kallëzimeve penale dhe i denoncimeve që kanë marrë nga të gjitha institucionet e shtetit, jo vetem ministritë, por edhe agjencitë shtetërore dhe po ashtu nga qytetarët”, ka deklaruar Kurti në konferencë për media.

Ai tha se nuk është i bindur edhe në korrektësi sa i përket përzgjedhjes së lëndëve për trajtim.

“Është shumë i madhe numri i lëndëve të cilët i kanë shpejtësinë e ulët ose ngecje të plotë, e po ashtu nuk mund të them se kam bindjen për korrektësi të duhur për përzgjedhjen e lëndëve që bëjnë. Këto janë përshtypjet e mia të cilat nuk kanë të bëjnë me këto pyetje konkrete të tuajat, të cilat besoje që ata është dashur që të japin përgjigje që si bëhet që dikush qëndron në paraburgim për muaj të tërë, e dikush as një muaj, e as tre muaj…”