4 orë më parëKërkohet masa e paraburgimit ndaj personit që kërcënoi deputeten Ariana Musliu-Shoshi
Periskopi(3 vite më parë)
(3 vite më parë)Prokuroria Themelore në Prishtinë ka bërë të ditur se ka ngritur aktakuzë me kërkesë për caktim të masës së paraburgimit ndaj të pandehurit me inicialet A.B. pasi që i njëjti dyshohet se ka kërcënuar deputeten nga radhët e Partisë Demokratike të Kosovës, Ariana Musliu-Shoshi. Sipas aktakuzës, i pandehuri i lartcekur, më 02.05.2023, rreth orës 19:00, […]
Prokuroria Themelore në Prishtinë ka bërë të ditur se ka ngritur aktakuzë me kërkesë për caktim të masës së paraburgimit ndaj të pandehurit me inicialet A.B. pasi që i njëjti dyshohet se ka kërcënuar deputeten nga radhët e Partisë Demokratike të Kosovës, Ariana Musliu-Shoshi.
Sipas aktakuzës, i pandehuri i lartcekur, më 02.05.2023, rreth orës 19:00, përmes rrjetit social “Facebook”, me dashje dhe me qëllim të frikësimit e ka kanosur seriozisht të dëmtuarën A.M-SH., deputete e Kuvendit të Kosovës, për shkak të detyrës së saj, ashtu që i pandehuri nga një profil në rrjetin social “Facebook” i drejtohet: “…sa te vije ne pushim… edhe dy muj i ke jete midis Prishtinës ka met masakrue…”, raporton Klan Kosova.
Prokurori i Shtetit me rastin e ngritjes së aktakuzës i ka propozuar Gjykatës që të pandehurit t’i caktohet masa e paraburgimit dhe i njëjti të shpallet fajtor dhe të dënohet sipas ligjit për veprën penale e cila i vihet në barrë.
