Ish-ambasadori Roberts: Deputetja britanike Alicia Kearns po i krijon bindje të gabuara Kurtit

“Kosova dhe Serbia janë gati t’i japin goditjen përfundimtare Vladimir Putinit. Pasi Beogradi dhe Prishtina të arrijnë marrëveshje, ndikimi i Rusisë në rajon ka mbaruar dhe statusi i saj global zvogëlohet më tej”.

Kështu shkruan për Telegraph ish-ambasadori britanik në ish-Jugosllavi Ivor Roberts, në një shkrim kushtuar situatës aktuale në mes Kosovës dhe Serbisë.

Roberts është shprehur optimist se Serbia dhe Kosova janë gati në arritjen e një marrëveshjeje, derisa ka fajësuar Rusinë si faktor destabilizues.

Në një shkrim të publikuar të martën, Roberts flet edhe për deputeten britanike Alicia Kearns.  Ish ambasadori mendon se deputetja britanike nuk po e informon drejtë kryeministrin e Kosovës Albin Kurti.

“Për fat të keq, ka edhe sulmues në anën perëndimore. Obserbvimi I Rebecca Ëest për prirjen angleze që r të marrë anë në Ballkanin Perëndimor është ende i vërtetë dhe duket se nuk ka shembull më të mirë për këtë sesa Alicia Kearns, kryetarja e Komitetit të Punëve të Jashtme.  Ajo sigurisht ka të drejtë për mendimet e saj – por është çështje tjetër nëse pikëpamjet e saj partiake, si dikush që mban një pozicion të rëndësishëm dhe me ndikim, e shtyjnë Kurtin të besojë se ai ka mbështetje ndërkombëtare për t’i rezistuar kompromisit ose për të dalë për një marrëveshje më të mirë – dhe negociatorët e lartë më kanë thënë se ky është pikërisht efekti që kanë ndërhyrjet e saj’, ka shkruar Roberts.

Deputetja britanike Alicia Kearns  i ka dhënë mbështetje kryeministrit Albin Kurti që nga veprimet e tij në very.

Disa javë më parë Kearns  ngriti alarmin se  Serbia kishte futur armë përmes autoambulancave nëpër kisha.