Zelensky: Kundërofensiva e Ukrainës po përparon në të gjitha frontet

Ai nuk dha detaje, por komentuesit pro rusë thonë se trupat ukrainase kanë kaluar lumin Dnipro dhe kanë rimarrë një fshat pranë Khersonit.

Zëvendësministrja e mbrojtjes e Ukrainës, Hanna Maliar, tha gjithashtu dje se forcat ukrainase kishin rifituar kontrollin mbi Rivnopil, një fshat në rajonin e Donetskut në perëndim të një grupi vendbanimesh të rimarrë në operacionet sulmuese, shkruan BBC.

Në një fjalim të natës, Zelensky, pasi vizitoi pozicionet e vijës së parë, e përshkroi të hënën si një “ditë të lumtur” dhe tha se trupat e tij “kanë avancuar në të gjitha drejtimet” në front.