Ramabaja thotë se ideja e Ramës është rreshtim prapa agjendës së Kremlinit dhe Beogradit

Edi RAMA:

““Rajoni ynë nuk mund të merret zvarrë nga një konflikt krejt i kotë, absurd, ku luhet me zjarrin e nacionalizmit duke prodhuar çdo ditë arsye për sherr, me veprime e mosveprime, akuza e kundërakuza, të cilat po e degradojnë përditë situatën në Veriun e Kosovës dhe po minojnë vetë ngrehinën e ndërtuar me aq shumë përpjekje të bashkëpunimit rajonal”, ka shkruar kryeministri shqiptar në Twitter. …

Politikanët e Kosovës duhet ta dëshmojnë sot, me vepra e jo me fjalë, se ky rajon i përket Procesit të Berlinit jo ëndrrave të Kremlinit dhe Kosova nuk mund të jetë pëlhura e pavetëdijshme mbi të cilën projektohen ato ëndrra, ndërkohë që disave prej tyre u duket se po pikturojnë një tablo heroike për historinë në Veriun e Republikës”.

Koment

Protestat masive në Serbi ndërkohë po hyjnë në javën e nëntë.

Të shtunën që lamë pas, ato u përshkallëzuan tutje, duke bartur flakën e rezistencës kundër pushtetit autoritativ të Vuçiqit në dhjetë qytetet më të mëdha të Serbisë.

Përpjekja për organizim konferencash për Kosovën pikërisht në këtë momentum politik që po kalon Serbia, është rreshtim prapa axhendës politike të Kremlinit dhe Beogradit dhe jo reistenca dhe përkushtimi për shtrirjen e sovranitetit të Republiks në veriun e saj.

Politikanët e Kosovës, sipas Edi Ramës, po u dashka sërish ta dëshmojnë me vepra, e jo me fjalë, se ky rajon i përket Procesit të Berlinit.

Fatkeqësisht kryeminsitri i Shqipërisë sonë nuk ka këshilltar politikë të duhur, që do t’ia kujtonin faktin se Parlamenti i Republikës së Kosovës ishte ndër të parët që ka ratifikuar marrëveshjet që kanë dalë nag Procesi i Berlinit. Është Serbia ajo që nuk i ka ratifikuar ato marrëveshje; është Serbia ajo që mbanë zvarrë këtë proces jetik për rajonin tonë, herë duke shpikur Ballkanin e Hapur, e herë duke përshkallëzuar gjendjen në veriun e Kosovës. Ndërkaq së fundmi, me vendimin e Parlamentit të Republikës Sërbska për mosnjohjen e vendimeve të Gjykatës Kushtetuese, bën hapin e madhë drejt aneksimit të këtij entiteti Republikës së Serbisë.

Pse Edi Rama nuk e qorton dot mikun e tij Aleksander Vuçiq? Përgjegjen objektive nuk e jep dot përmes simetrisë politike, fiskulturave retorike e ushtrimeve në fushën e stilit gjuhësor që aplikon në cicërimat e letrat e tij.

Koha e halucinacioneve po merrë fund.