3 orë më parëPutin thotë se rebelimi i Wagnerit mund të kishte rezultuar në luftë civile
Periskopi(3 vite më parë)
(3 vite më parë)Vladimir Putin ka përshëndetur ushtrinë e Rusisë për “ndalimin e një lufte civile”. Presidenti rus u tha rreth 2,500 anëtarëve të forcave të sigurisë së vendit, Gardës Kombëtare dhe njësive ushtarake, popullit dhe forcave të armatosura se kishin qëndruar së bashku në kundërshtim me mercenarët rebelë në kryengritjen e ndërprerë të së shtunës. Në mbledhjen […]
Presidenti rus u tha rreth 2,500 anëtarëve të forcave të sigurisë së vendit, Gardës Kombëtare dhe njësive ushtarake, popullit dhe forcave të armatosura se kishin qëndruar së bashku në kundërshtim me mercenarët rebelë në kryengritjen e ndërprerë të së shtunës.
Në mbledhjen e mbajtur në një shesh në kompleksin e Kremlinit, Putinit iu bashkua ministri i Mbrojtjes Sergei Shoigu, shkarkimi i të cilit ishte kërkuar nga Yevgeny Prigozhin gjatë sulmit.
Ai e përshkroi rebelimin si një “situatë jashtëzakonisht të rrezikshme” dhe falënderoi ata që ndihmuan për t’i dhënë fund.
Ai kërkoi një minutë heshtje për të nderuar pilotët ushtarakë rusë që u vranë gjatë sulmit, shkruan Skynews.
“Një numër i bashkëluftëtarëve tanë kanë vdekur në këtë proces. Ata e kanë përmbushur urdhrin dhe detyrën e tyre ushtarake me nder”, tha ai.
“Rezoluta dhe guximi ynë, si dhe konsolidimi i tërësisë së shoqërisë ruse ka qenë i madh dhe ka luajtur një rol përcaktues në tejkalimin e këtyre pengesave dhe rebelimit. Ju mund të shihni se ushtria, shoqëria dhe njerëzit ishin një. Kjo na ka lejuar të kapërcejmë situatën jashtëzakonisht të rrezikshme në të cilën ndodhej vendi”, shtoi Putini.
