4 orë më parëProkuroria me detaje për motivet e vrasjes së dy vëllëzërve që ndodhi mbrëmë në Gjakovë
Periskopi(3 vite më parë)
(3 vite më parë)Vëllezërit Blerim dhe Haxhi Islamaj, 42 dhe 38 vjeç, u privuan mbrëmë nga jeta në fshatin Madanaj të Gjakovës. Prokuroria Themelore e Gjakovës konfirmon se motivi i vrasjes së dyfishtë ka ardhur si rrjedhojë e problemeve pronësore. I plagosur mbeti edhe i dyshuari. Zëdhënësi i Prokurorisë Themelore të Gjakovës, Hekuran Batusha, gjithashtu konfirmon se i […]
Zëdhënësi i Prokurorisë Themelore të Gjakovës, Hekuran Batusha, gjithashtu konfirmon se i dyshuari ndodhet në ndalim policor në kohëzgjatje prej 48-orësh dhe i njëjti po qëndron në Spitalin Rajonal “Isa Grezda” nën mbikëqyrjen e Policisë së Kosovës.
“Duke u bazuar në pyetjet e parashtruara, ju njoftojë se lidhur me këtë çështje motivi deri te vrasja e dy personave ka ardhur si rrjedhoj e problemeve pronësore. I dyshuari gjendet ne ndalim policor prej 48 oresh dhe i njejti është në mbikqyrje të policisë në Spitalin Rajonal “Isa Grezda” në Gjakovë sepse është i plagosur”, tha Batusha.
Zëdhënësi Batusha informon se brenda afatit ligjor, ndaj të dyshuarit do të kërkohet caktimi i masës së paraburgimit.
“Prokurori kujdestar kundër të pandehurit, brenda afatit ligjor në gjykaten kompetente do të parashtrojë Kërkesën për caktimin e paraburgimit”, tha Batusha për Gazetën Express.
Policia ka njoftuar se njëri nga viktimat ka vdekur në vendin e ngjarjes, ndërsa tjetri rrugës për në spital.
Në vendngjarje kanë dalur njësitë përkatëse policore me ç’rast kanë sekuestruar disa gëzhoja.
Nga i dyshuari është konfiskuar një revole.
“Trupat e pajetë janë dërguar në IML për obduksion. Rasti është në procedurë hetimore”, thuhet në raportin 24-orësh të Policisë së Kosovës.
