Maliqi mesazh Kurtit: Mos luaj më me nervat dhe durimin e aleatëve tanë strategjik

Maliqi i ka thënë Periskopit se vet fakti që sekretari amerikan i shtetit i ka folur Kurtit në kohën e ftohjes së marrëdhënieve me ShBA-në, është lajm i mirë. Dhe se me këtë Blinken e ka dëshmuar se nuk mban inate personale për  vlerësimet përçmuese që Kurti i ka bërë me arrogancë të pajustifikueshme.

“Është lajm i mirë vet fakti se Sekretari i shtetit Blinken foli me Kryeministrin Kurti në kohën e ftohjes së marrëdhënive me SHBA. Në të vërtetë, ai kishte fol edhe me presidentin e Serbisë Vuçiq, duke e porositur si Kurtin, se SHBA-të kërkojnë hapat e mëtejmë të shtensionimit të raporteve Kosovë -Serbi. Blinken kështu demonstroi përgiegjshmërinë e burrështetit që kërkon realizimin e interesit më të gjërë dhe nuk mbanë inate personale me vlerësimet përçmuese që i shfaqte Kurti me arrogancë të pajustifikueshme në shtypin botëror.” tha ai për Periskopin.

Sipas Maliqit, Kurti nuk duhet të luaj më me nervat dhe durimin e aleatëve dhe se me interesat populiste në të cilat thirret vazhdimsht po provokon tensione që mund të çojnë në konflikt të armatosur.

“Kurti duhet të kuptojë se ekzistojnë interesat më të gjëra se ato të keqkuptuara popullisto sovraniste në të cilat thirret (si edhe Vuçiq nga ana e tij), duke provukar që të dy vazhdimisht tensione që mund të çojnë në konflik të armatosur.Kurti nuk duhet të luaj më me nervat dhe durimin e aleatëve tanë strategjik.” ka thënë Maliqi.

Ndryshe, kjo bisedë mes Blinken dhe Kurtit, u zhvillua pas lirimit të tre policëve të kidnapuar nga Serbia ditë më parë.

Mbetet të shihet se a do të pranohet nga Kosova e Serbia plani trepikësh i Bashkimit Evropian, për shtensionim të situatës./PERISKOPI-Albina Zariqi