Kurti i tregon Blinkenit për takimin në Bruksel: Nuk u bë trilateral për shkak të Vuçiqit

Në njoftimin e Zyrës së Kurtit, njoftohet se Kurti ka folur me Blinkenin edhe rreth takimit në Bruksel. Në këtë telefonatë, Kurtit i ka treguar Blinkenit se për shkak presidentit të Serbisë, Aleksandar Vuçiq.

“U diskutua për dialogun me zyrën e Përfaqësuesit të Lartë të BE-së për Politikë të Jashtme dhe Siguri, Josep Borrell për deeskalim dhe normalizim, me ç’ rast kryeministri Kurti e njoftoi sekretarin Blinken për takimin bilateral të së enjtes së javës së kaluar, që nuk u bë edhe trilateral për shkak të mosgatishmërisë së presidentit të Serbisë.” – thuhet në njoftim.

Ndërsa në njoftimin e Zyrës së Kurtit jepen më shumë detaje se çka u bisedua gjatë kësaj telefonate.

“Kryeministri Kurti dhe Sekretari Blinken bashkëbiseduan për gjendjen në katër komunat veriore të Kosovës, për zgjedhjet e reja që duhen paraprirë nga sundimi i ligjit, për ekstremistët e dhunshëm që sulmuan ushtarët e KFOR-it, Policinë e Kosovës e gazetarët, për tri nënkryetaret serbe në Leposaviq, Zveçan e veri të Mitrovicës, për konfiskimin e armatimit e municionit të shumtë në një veturë me targa të Beogradit, për nevojën për zbatim të plotë, të sekuencuar drejt e pa kushte të Marrëveshjes Bazike të Brukselit, si dhe për lirimin e tre policëve të Kosovës të rrëmbyer nga Serbia në Leposaviq por pasi që atyre iu ngrit aktakuza e për çfarë Departamenti i Shtetit Amerikan i pari kërkoi lirim të menjëhershëm e pa kushte.” – thuhet në njoftim.