Kryetari i Vushtrrisë i ndërprenë punimet e një rruge për shkak të cilësisë së dobët (VIDEO)

Kryetari i Komunës së Vushtrrisë Ferit Idrizi, ka marrë vendim për ndrërprjen e punimeve në rrugën “Ahmet Delia” në Novlan të kësaj komune.

Idrizi ka njoftuar përmes Facebook-ut se arsyeja e lënies në gjysmë të këtyre punimeve është mungesa e cilësisë së punës, por edhe e materialit ndërtimor.

“Sot gjatë mbikëqyrjes së punimeve në rrugën “Ahmet Delia” në Novolan, e cila ishte planifikuar të asfaltohet, i ndërpreva punimet dhe kamionët me asfalt u kthyen mbrapa”, ka shkruar Idrizi.

“Arsyeja e ndërprerjes ishte puna jo cilësore dhe shmangia nga paramasa (mungesa e trashësisë së zhavorit dhe ngjeshja). Ju bëj thirrje të gjithë operatorëve që marrin punë në Komunën e Vushtrrisë, të punojnë sipas projektit dhe me cilësi, ndryshe do ta marrin të njëjtën përgjigje”, ka shkruar kryetari i Vushtrrisë.

Një njoftimin e tij, Idrizi nuk ka përmendur emrin e kompanisë që është marrë me këtë ndërtim, por se ka shprehur vendosmërinë që nuk do të lejojë të kryhet asnjë punë ‘shkel e shko’.

Ferit Idrizi është kryetar i Komunës së Vushtrrisë që nga viti 2021. Ai fitoi zgjedhjet komunale si kandidat i Partisë Demokratike të Kosovës./Periskopi/